Featured Articles
All Stories

Tuesday, 12 June 2018

instagram இல் இருந்து தலைதெறிக்க ஓடப் போகும் சிக்கன இணையப் பாவனையாளர்

வணக்கம் உறவுகளே
சுகநலங்கள் எப்படி?

பேஸ்புக்கோடு இணைந்திருக்கும் இன்ஸ்ரக்ராம் என்ற நிழற்பட தரவேற்றும் தளமானது அனைவராலும் விரும்பி தமது உடன் ரசனைக்குரிய படங்களைப் பதிவேற்றும் ஒரு தளமாகும்.

கடந்த சில காலத்துக்கு முன்னர் இதில் சிறிய காணொளிக் கோப்புக்களை தரவேற்றுவதற்கான பாக்கியத்தை சமூக வலைத்தளப் பாவனையாளருக்கு இது அளித்திருந்தது. அந்த 15 செக்கனில் சிறிய குறும்படங்கள் கூடப் பதிவேற்றும் அளவுக்கு சந்தர்ப்பத்தைக் கொடுத்திருந்தாலும் சிக்கனமாக இணையம் பாவிப்பவருக்கு இருந்த தலையிடி என்னவென்றால் instagram இல் காணொளிகள் தன்னியக்கமாக இயங்க ஆரம்பிப்பதை தடுக்க முடியாது.

தேவையானால் ஒரேயொரு option கொடுத்திருக்கிறார்கள் use less data என்ற விடயமாகும் இருந்தாலும் இதில் உயர்தரக் காணொளிகளை மட்டுப்படுத்துமே தவிர காணொளித் தானியங்கலை நிறுத்தாது.


இந்த நிலையில் வரும் யூன் 20 இல் இருந்து UHD 4K தரத்திலான காணொளிகளை தரவேற்றுவதற்கான அனுமதியைக் கொடுப்பதுடன் அதன் நேர அளவை 20 நிமிடமாகவும் அதிகரிக்கிறது நமது instagram.

இந் நிலையில் தானியங்கலை நிறுத்தும் option ஐ கொண்டு வராவிடில் சிக்கனமாக இணையம் பாவிப்பவர் அனைவரும் தலை தெறிக்க ஓட வேண்டியதைத் தவிர வேறு வழியே இல்லை.

நன்றிச் செதுக்கலுடன்
அன்புச் சகோதரன்
மதிசுதா

தொடர்ந்தும் என் பதிவுகளுடன் இணைந்திருக்க இந்தப் பக்கத்தை like செய்து இணைந்திருங்கள்

08:59 - By mathi sutha 1

1 comments:

Friday, 27 April 2018

குறைந்த பட்ஜெட் படங்களை ஏன் வெளியிட முடிவதில்லை - CSK இயக்குனர் சத்தியமூர்த்தி

Charles Shafiq Karthiga (2015) திரைப்படத்தின் இயக்குனரான சத்தியமூர்த்தி அவர்கள் குறைந்த பட்ஜெட் படங்கள் வெளியிடுவதில் உள்ள சிக்கல்கள் பற்றிப் பேசும் நிமிடக் காணொளி இது.

இணையத்தில் நான் கற்ற காணொளிகளில் இருந்து வெட்டி எடுக்கப்பட்ட முக்கிய விடயங்களை ஓரிரு நிமிடங்களுக்குள் சுருக்கிப் பாகிர்கிறேன்.
தொடர்ந்தும் master class காணொளிகளைக் காண இப்பக்கத்தை லைக் செய்து இணைந்திருங்கள்.

https://www.facebook.com/actormathisutha/
அல்லது என்னுடைய வலைத்தளத்தை தொடருங்கள்
நன்றி - நெட்4யூ
12:32 - By mathi sutha 2

2 comments:

Monday, 23 April 2018

திரைக்கதை விருது பெற்ற என் பாதுகை குறும்படம்

வணக்கம் உறவுகளே.
கடந்த ஆண்டு (2017) லண்டனில் இடம்பெற்ற விம்பம் விருது விழாவில் சிறந்த திரைக்கதைக்கான விருதையும் சிறந்த நடிகர் (மதிசுதா) மற்றும் நடிகை (ஜெஸ்மின்) க்கும் பரிந்துரைக்கப்பட்ட ”பாதுகை” குறும்படத்தைஇணையத்தில் வெளியிடுகிறேன்.
பட முயற்சியின் தடங்கல்.
2015 ம் ஆண்டு இப்படத்தை எடுப்பதற்கான முன்னயாயத்தத்திற்கு 2 தரம் முல்லைத் தீவு போய் வந்ததுமல்லாமல் அதே ஆண்டு ஏப்ரல் மாதம் படம்பிடிக்க போகிறோம். இப்படத்தின் ஆரம்பக் காட்சியானது அத்தனை உடல்களும் தெப்பமாய் மிதந்த வட்டுவாகல் பாலத்தில் அமைய வேண்டும் என்பது என் ஆசை ஆனால் அந்நேரம் படப்பிடிப்புக்கு அங்கு அனுமதியில்லை இருகரையிலும் இரணுவ முகாமே. போதாத குறைக்கு அடுத்த முக்கிய காட்சி அமைய வேண்டிய வற்றாப்பளையிலும் படம் பிடிக்க இராணுவக் கெடுபிடி. சரி என எடுத்த ஒரே ஒரு காட்சியோடு யாழ் திரும்பிக் கொண்டோம்.

ஆனால் அந்த வெறி விடவில்லை மீண்டும் 2016 கிளம்பிப் போனோம் ஆனால் வற்றாப்பளை ஆலயம் மீள் கட்டுமானத்துக்காக தரைமட்டமாகிவிட்டது. வட்டுவாகலிலும் அதே கதை தான். அதற்காக ஒரு திட்டம் இட்டோம். சன்சிகனும் தர்சனும் அந்த தொடுவாயில் மீன் பிடிப்பவரை போட்டோ எடுப்பதற்கென்று அனுமதி எடுக்கா நான் தனியே சைக்கிளில் இவர்களுக்கு சம்மந்தமில்லாதது போல மறு கரைக்கு சென்று அங்கிருந்து அவர்களது ரகசிய அழைப்புக்கமைய பாலத்தில் வர வேண்டும். அவர்கள் மீன் பிடிப்பவரை எடுப்பது போல என்னை எடுப்பார்கள்.
திட்டமிட்டபடியே காட்சி அமைந்ததுமல்லாமல் நான் ஆசைப்பட்ட ஒரு விடயத்தை முடித்த திருப்தியோடு வீடு ஏகினோம்.
இக்குறும்படத்துக்காக என்னோடு உழைத்த மதுரன், சன்சிகன், தர்சன், பவுண் அக்கா, சமீல் போன்றோருடன் குந்தவை அவர்களின் சிறுகதையை எனக்கு அனுமதி வாங்கித் தந்த குணேஸ்வரன் அண்ணா, தங்குமிட ஒழுங்கு செய்து தந்த ஜெரா, நியாகரன் போன்றோருடன்
முதற்கட்ட படப்பிடிப்புக்கு பணம் தந்த தமிழ் பொடியன் ரமணனுக்கும் மீள எடுப்பதற்கு பண உதவி செய்த செவ்வேள் அத்துடன் கமரா பக்கத்தை தன் பொறுப்பில் எடுத்துக் கொண்ட செல்லா அண்ணா அனைவருக்கும் நன்றிகள்.
பிற்குறிப்பு - 2 வருடங்களாக வெளியிடாமல் வைத்திருந்ததற்கு பொருத்தருளவும்.
10:39 - By mathi sutha 1

1 comments:

Thursday, 5 April 2018

cinema master class 1 - ஏன் திரைக்கதையாசிரியர்களை புறக்கணிக்கிறோம் - இயக்குனர் வெற்றிமாறன்

தமிழ் சினிமாவில் ஏன் திரைக்கதை ஆசிரியர்கள் நிராகரிக்கப்படுகிறார்கள் என்ற உண்மையை விசாரணை படம் தொடர்பாக டிஸ்கவரி புக் பலஸ் நிகழ்த்திய கலந்துரரையாடலில் பகிரங்கமாகப் போட்டுடைத்தார்.
இணையத்தில் நான் கற்ற காணொளிகளில் இருந்து வெட்டி எடுக்கப்பட்ட முக்கிய விடயங்களை ஓரிரு நிமிடங்களுக்குள் சுருக்கிப் பாகிர்கிறேன்.
தொடர்ந்தும் master class காணொளிகளைக் காண இப்பக்கத்தை லைக் செய்து இணைந்திருங்கள்.
https://www.facebook.com/actormathisutha/
அல்லது என்னுடைய வலைத்தளத்தை தொடருங்கள்.
நன்றி - டிஸ்கவரி புக் பலஸ் // சுருதி ரீவி


09:56 - By mathi sutha 0

0 comments:

உம்மாண்டி திரைப்படம் வெற்றி பற்றிய தொலைக்காட்சித் தொகுப்பு


09:47 - By mathi sutha 0

0 comments:

Thursday, 18 January 2018

வரவு செலவுப் பதிவுக்கு உதவும் mobile மென்பொருள்


வணக்கம் உறவுகளே
நலம் எப்படி?

பழைய காலங்களில் கணக்கெழுத ஒரு கொப்பி வைத்திருப்போம். பச்சை மட்டையுடன் உள்ளே pink நிறத்தில் வரவுக்கு ஒரு வரி செலவுக்கு ஒரு வரி எனக் கோடிடப்பட்டிருக்கும்.

ஆனால் காலப் போக்கில் நாளுக்கு நாள் நகரும் எங்களால் அதை காவுவது சிரமமான போது கையில் கைப்பேசிகளும் உதித்ததால் அதன் note pad இல் சேமித்துக் கொள்வோம். ஆனால் திறண்பேசிகளுக்கென கணக்கியல் தொடர்பான பல இலவச மென்பொருட்கள் குவிந்து கிடக்கிறது.

நண்பர்களின் வேண்டுகோளுக்கிணங்க நான் பாவித்த ஒரு மென் பொருளின் விபரத்தை இடுகிறேன். ஆரம்பத்தில் பல மென் பொருட்கள் இட்டு சோதித்த பின்னரே இந்த மென்பொருளைத் தொடர ஆரம்பித்தேன். இதன் சாதக பாதகங்களை சுருக்கமாகத் தருகிறேன்.

சாதகம்
1) உடனுக்குடன் எமது வரவு செலவுகளை தரவேற்றிக் கொள்ளலாம்.
2) எமது google drive and dropbox  இல் backup எடுத்து வைத்துக் கொள்ளலாம்.
3) விரும்பிய கணக்குகளை மட்டும் excel வடிவில் மற்றையவர்களுக்கு mail செய்து கொள்ளலாம்.
4) இதே மென்பொருள் android and iphone இலும் இருப்பதால் நாம் திறன்பேசிகள் மாறிக் கொண்டாலும் backup மூலம் இன்னொரு இடத்துக்கு மாறிக் கொள்ளலாம்.
5) ஒரே மென்பொருளில் எமது வெவ்வேறு வகையான கணக்குகளை தனித்தனியே நிர்வகிக்கலாம் (வீட்டுச் செலவு , தொழில் நிறுவனச் செலவு)

பாதகம்
1) android அளவுக்கு iphone இல் இதன் திறன் குறைவு அதாவது iphone இல் இதனுடன் எம் மின்னஞ்சலை இணைக்க முடியாது ஆனால் google drive and dropbox இணைக்க முடியும்.


நினைவுக்கு வந்தவையை குறிப்பிட்டிருக்கிறேன் ஆனால் எனக்கு ஒப்பீட்டளவில் expense manager என்ற இந்த மென் பொருள் தான் மிக மிக உபயோகமானதாக உள்ளது.

தரவிறக்குவதற்கான தொடுப்பு

அன்ரோயிட்

https://play.google.com/store/apps/details?id=com.expensemanager

ஐபோன்

https://itunes.apple.com/us/app/ez-expense-manager/id866932213?mt=8


படங்களின் மேல் சொடுக்குவதன் மூலம் பெரிதாக்கிப் பார்க்கலாம்.

நன்றிச் செதுக்கலுடன்
அன்புச் சகோதரன்
மதிசுதா

இந்தப் பதிவு பிரயோசனமானதெனக் கருதினால் உங்கள் நண்பருக்கும் பகிருங்கள்.

என் பதிவுகளுடன் இணைந்திருக்க கீழுள்ள பேஸ்புக் like பொத்தானை சொடுக்கிச் செல்லவும்.









21:34 - By mathi sutha 4

4 comments:

Tuesday, 2 January 2018

எமது உம்மாண்டி திரைப்படத்தின் பாடல் காணொளி வடிவமாக..

உம்மாண்டி திரைப்படத்தில் இடம்பெற்ற புதிராகிப் போகுதே புனிதம் ஒன்று என்ற பாடலின் காணோளி வடிவத்தை இப்பதிவுடன் இணைக்கின்றேன்.

பாடலாசிரியர் - அதிசயா
இசை மற்றும் குரல் - சமீல்


12:54 - By mathi sutha 0

0 comments:

Total Pageviews

Followers

என் குறும்படங்கள்













About Me

My Photo
நான் எல்லாம் தெரிந்தவனுமில்லை ஒன்றும் தெரியாதவனும் இல்லை

பதிவுகளை மின்னஞ்சலில் பெற இணையுங்கள்

back to top