பதிவிட்ட பின் அழித்த பதிவுகளையும் தேடிப் படிக்கலாம்.

வணக்கம் உறவுகளே சேமம் எப்படி ?

இந்த வாரமும் ஒரு வில்லங்கப் பதிவோடு சந்திக்கிறேன்.

பதிவின் நோக்கம் – இந்தப பதிவு பலருக்கு சங்கடத்தை எற்படுத்தலாம் (நான் உட்பட) ஆனால் இப்படியும் ஒரு குறுக்கு வழியிருக்கிறது என்பதை பலர் அறிய வேண்டும் என்பதற்காகவே இப்பதிவு இடப்படுகிறது.

         
இணையம் என்பது இன்றைய காலத்தில் மனித முன்னேற்றத்தின் பெரும் பங்காளியாகவே இருக்கிறது. இங்கே எந்தளவு நன்மையிருக்கிறதோ அதே போலத் தீமையும் தாராளமாகவே இருக்கிறது. எள்ளைப் போட்டால் பொறுக்கலாம் சொல்லைப் போட்டால் பொறுக்கேலாது என்பார்கள் அப்படியிருக்கையில் எழுத்தைப் போட்டால் எப்படி இருக்கும்.

         நான் கூட எனது ஆரம்ப பதிவு நாட்களில் சிறி என்பவர் எழுதிய சுஜாதாவின் பத்துக் கட்டளைகள் என்ற பதிவை அவரது கருத்துப் பெட்டியில் எடுக்கிறேன் என்று சொல்லி விட்டு எடுத்துப் போட்டேன் அனால் போட்ட அடுத்த வாரம் தான் அது தப்பு எனது தனித்துவம் போய் விடும் என உணர்ந்து தூக்கினேன் (யாரும் சுட்டிக்காட்டாமலேயே)

         சரி விசயத்திற்கு வருவோம். நாம் வழமையாக ஒரு வலைத்தளம் பிடித்திருந்தால் அதில் followers ஆகியிருப்போம் அதன் பின்னர் dash board ல் வரும் பதிவுகளை படித்துக் கருத்திடுவோம். ஆனால் அதை விட google reader போனால் எமக்கு பெரிய அதிசயம் காத்திருக்கும் அங்கே போவதற்கு எமது கூகுல் ஐடி தான் தேவை. இல்லாவிடில் எமது மெயிலின் மேலேயே அதற்காக தொடுப்பு இருப்பதை அவதானிக்கலாம். அங்கே போய் பெரிதாக ஒன்றும் செய்யத் தேவையில்லை நாம் வாசிக்க விரும்பும் வலைத்தளத்தின் பெயர் மேலே சொடுக்கி விட்டு அதன் பின் all post என்றிருக்கும் பொத்தானை சொடுக்கினால் சரி அப்புறம் எமது ஆதி முதல் அந்தம் வரை வந்து நிற்கும்.

         பின் தொடர இடம் தராதவர்கள் புளொக் அனால் ஒரு சின்ன வேலை தான் செய்யணும் அவர்களது புளொக் அட்ரசை கொண்டு வந்து add a subscription என்பதைச் சொடுக்கி விட்டு அதனுள் இட்டீர்களானால் சரி தங்கள் ரிடருக்கு உடனுக்குடன் அப்டேட் ஆகிக் கொண்டே இருக்கும்.

         இதில் இருத்து தப்பிக்க ஒரு சிறு வழி தான் இருக்கிறது. நாம் பதிவிடும் போது jump break போட்டுப் பதிவிட்டால் கொஞ்சம் தப்பித்துக் கொள்ளலாம்.

         நான் கூட இதுவரை தப்பு என்று உணர்ந்து 5 பதிவுகளுக்கு கிட்ட அழித்திருக்கிறேன் (5 ம் எனது சொந்தப் பதிகள் தானுங்கோ) சொதித்துப் பார்ப்பதற்கு நீங்கள் செய்ய வேண்டியது பெரிசாய் ஒன்றுமில்லிங்க என்னை பின் தொடருங்கள் அதன் பின் கூகுல் ரீடர் போய் பாருங்கள். என் வண்டவாளங்களும் தண்டவாளத்தில் ஏறி நிற்கும்.

மொத்தத்தில் சொல்லப் போனால்

பழமொழி -
”அரசன் அன்று கொல்வான் தெய்வம் நின்று கொல்லும் என்பது போல”

புதுமொழி -
”கருத்துப்பெட்டி அன்றே கொல்லும் கூகுல் ரீடரோ நின்று கொல்லும்”

      அடியேனின் குறுக்கு மூளைக்குள் எட்டிய ஒரு சின்னக் கண்டுபிடிப்பு. யாரும் திட்டாதிங்கப்பா நீங்களும் முயற்சி செய்த புதிதாய் ஏதாச்சும் சொல்லித் தாருங்கள்

நன்றிச் செதுக்கலுடன்..

அன்புச் சகோதரன்

ம.தி.சுதா